Jon Jones-a'n damdawi hman phal loh a hmang

UFC light heavy­weight champion Jon Jones chuan UFC 214-a fight a hmachhawn ṭumin damdawi hman phal loh a hmang ngei a ni tih US Anti-Doping Agency chuan an tichiang. August khan Jon Jones hian UFC light heavyweight title kawl tura Daniel Cormier a hmachhawn hma ni khata a thisen test-na aṭangin intihchakna damdawi a hmang tih hi hmuh a ni.

Jones hian hre reng chunga he damdawi hi hmang a nih loh thu sawiin a thisen chu endik nawn turin a ngen a, mah se tunah chuan a hmang ngei a ni tih tihchian a ni ta. Jones-a'n UFC 214-a hnehna a channa kha Ca­lifornia State Athletic Commission chuan 'no-contest' anga a puan ngei a rinawm a, UFC lam chuan tun dinhmunah a title hi an la hlihsak rih lo thung - an hlihsak ngei erawh a rinawm.

UFC fighter zinga ropui ber pawla an sawi Jones hian July 2016 khan damdawi hman phal loh a lo hmang tawh a, hei vang hian kum khat chhung hrem a ni tawh. A vawi hnihna atana man a nih leh tak avang hian kum li thleng chu fight hmachhawn thei lo tura hrem a nih a rinawm a, kum 30 mi a nih tawh bawk avangin a tan ropui taka lo kir leh chu thil harsa tak a ni tawh ang.