Canelo v Golovkin Fight ropui tak a ni dawn - Golovkin

Gennady Golovkin chuan Inrinnia Saul 'Ca­nelo' Alvarez nena an in­hnek tur chu, "Tun hnai­a inhnek ropui ber a ni dawn a ni," tiin a sawi a, Las Vegas khaw­puia boxer rothap pahnih in­hma­chhawn tur hi mipui pawhin an nghakhlel tawh hle.

Kum 35 mi Golovkin hi WBA, WBC leh IBF middleweight champion lai a ni a, vawi 38 inhnek a hmachhawn tawhah tlawm hmel a la hmu lo. Kazakh boxer chuan, "Saul nena kan inhmachhawn tur hi boxing chanchinah chuan ni ropui ber a ni dawn a, thawnthu hlui sawi a nih apiangin sawi tel a ni tawh ang," tiin inhnek hmuhnawm phochhuah a tum ruh hle.

Division pahniha world champion vawi thum ni thei Canelo hian vawi 51 inhnek a hmachhawn tawh thung a, heng zingah hian vawi khat chiah a tlawm - a ngam loh awmchhun hi Floyd Mayweather a ni a, kum 2013-a an inhma­chhawn ṭumin a hneh lo.

Kum 27 mi Canelo chuan, "Thu tam tak sawi ka tum lo a, he fight hmachhawn tur hian ka inpeih tawh a ni. Fight hautak zet ka hmachhawn dawn tih ka inhria a, mah se chumi atan chuan ka inring tawh. Nuam ti taka ring chhunga ka che ang bawkin mipui pawhin hmuh­nawm ti taka an thlir ka beisei," tiin a inringtawk hle.