Footballer boxer McKenzie a chawl ta

Premier League striker hlui Leon McKenzie chuan boxing a chawlhsan thu a puang. Kum 39 mi boxer hian football a chawlhsan hnuah boxing a luhchilh a, fight 11 hmachhawn hmanin Inrinni khan a fight hnuhnung ber hmachhawnin a chak lo.

McKenzie hian footballer a nih laiin English club hriat hlawh Crystal Palace, Fulham, Norwich City leh Charlton Athletic tan pawh a khel tawh a, kum 2013 khan non league club Corby Town aṭangin inkhelh a chawlhsan.

English forward hian football a chawlhsan hnuah infiamna erawh a mangṭha mai lo. A pa British leh European boxing champion Clinton McKenzie leh a putea, world boxing champion vawi thum ni thei Duke McKenzie te hnungzuiin boxing a luhchilh zui.

Vawi 11 inhnek a hmachhawnah hian vawi riat hnehna a chang a, heng zingah hian English super-middleweight championship-a Jahmaine Smyle a hneh loh leh Inrinnia a inhnek hnuhnung bera British Southern Area title-a Cello Renda a ngam lohte hi a fight hmachhawn langsar zual a ni.