NorthEast United-ah foreign player pariat

Indian Super League club NorthEast United chuan foreign player pariat an lakluh thu an puang a, an lakluhte hi playmaker Marcinho, centre back Sambinha, striker Odair Fortes, Wellington Da Silva leh Luis Alfonso Paez leh defender pahnih Martin Diaz leh Jose Goncalves te an ni.

Higlanders (Northeast United sawina) in ram pawn players an lak zingah hming langsar sawi tur awm lo mah se Portuguese coach Joao de Deus-a'n ama hriatchian sa, a mimal duhdan ang ngeia a lakluhte niin an sawi.

Sambinha hi Sporting Lisbon B team aṭanga an lakluh a ni a, Marcinho hi Brazilian player niin season hman zawh takah khan Turkish Super Lig club Gaziantepspor tan a khel.

NorthEast United striker thar zingah Wellington Silva hian season hman zawh takah khan Cypriot club AEL Limassol tan a khel a, Odair Fortes hi Cape Verde international niin kum 2008-2017 chhung khan French Ligue 2 club Stade de Reims tan a khel a, Luis Paez hi Colombian striker niin an ram league sang ber club Rionegro Aguilas aṭangin NorthEast United hi a zawm.

Martin Diaz hi Uruguay U17 international hlui niin an ram club langsar Liverpool FC aṭangin Highlanders hi a zawm a, Jose Goncalves hi Portugal U21 tana inlan tawh, MLS club langsar New England Revolution tana 2013-16 thleng khel tawh a ni.

Swiss club langsar FC Sion tan pawha khel tawh Jose hian kum 2013 khan MLS defender of the year chawimawina a lo dawng tawh a, MLS Best XI-ah hial a lang phak.