Sindhu chak laiin Kashyap chak lo

Badminton Korea Super Series khelh mekah nimin khan PV Sindhu leh Sameer Verma ten quarterfinal an lut a, Indian suttler dang Parupalli Kashyap erawh a zinkawng a tawp thung.

Olympic silver me­dallist Sindhu hian Nit­chaon Jindapol chu harsa lo takin 22-20, 21-17 in a hneh, semifinal lut tur chuan Japan nula Minatsu Mitani a hmachhawn leh ang. Mitani hian 2014 World Championship khan bronze medal a lo dawng tawh.

Mipa singles lamah Hong Kong Super Series finalist leh Syed Modi Grand Prix Gold champion ni bawk Sameer chuan Hong Kong star Wong Wing Ki Vincent chu minute 41 chhungin 21-19, 21-13 in a hneh ve bawk - khawtual tlangval Son Wan Ho nen an inkhel leh ang.

Inkhel dangah Son Wan hian India tlangval Kashyap chu darkar khat leh minute 16 chhungin 21-16, 17-21, 21-16 in a lo hneh ve bawk a ni.