India ranking a tla hniam

FIFA ranking thar berah India an tlahniam a, thla li zet top 100 huang chhunga an awm hnuin 107-naah an tla thla. India tlakhniamna zat hi hmun sawm ngawt a ni a, August thlaa FIFA ranking-ah khan 97-na dinhmun an luah phak a ni.

AFC hnuaiah erawh India dinhmun a danglam tam lo a, Asia ramah 13-na dinhmun an luah mek. Asia aṭanga FIFA ranking luah sang ber Iran chu 25-na an ni pha ṭawk a, 40-na Japan, 50-na Australia leh 51-na South Korea ten an dawt.

South Asian Football Federation lamah chuan India hnaih phak an la awm lo. Blue Tigers (India sawina) hnaih bertu Maldives chu 154-na an ni a, Afghanistan (158-na), Bhutan (174), Nepal (175), Bangladesh (196), Sri Lanka (198) leh Pakistan (200) ten dinhmun a chhuanawm loh hle.

FIFA ranking pum­puiah Germany chu num­ber 1-ah an chho ta thung a, Brazil an nek chhuak. Portugal chu pathumna dinhmunah an awm a, Argentina leh Belgium chu top five-ah an lang bawk.

FIFA ranking thar ber
- Top 20
Rank Team
1 Germany
2 Brazil
3 Portugal
4 Argentina
5 Belgium
6 Poland
7 Switzerland
8 France
9 Chile
10 Colombia
11 Spain
12 Peru
13 Wales
14 Mexico
15 England
16 Uruguay
17 Italy
18 Croatia
19 Slovakia
20 Northern Ireland
107 India