Subroto player ṭha ber Grace

Kar hmasa a khelh zawh tak Subroto Cup Junior Girls (U-17) ah Mizoram star Grace H. Lalrampari chu best player atan thlan a ni. Kum bithliah inelna huanga India aiawh tawh Garce-i hian tun ṭum Subroto Cup-ah hian match ruk khelh aṭangin goal ruk a khung.

Mizoram hi final-ah Bangladesh lakah si khat faiin an vanduai a, pahnihna an ni. Betsy Lalhlimpui kaihhruaina hnuaia khel Mizoram team hian final lut tur hian harsatna lian tham an tawk lo. Pool B-ah awmin an match hmasa lamah Kerala (7-0), Kendrya (15-0), CBSE (19-0) hnehin knock out round an inhlangkai. Quarterfinal-ah pawh Mizoram team hian goal khung an bansan thei chuang lo, goal nga faia Maharastra an hneh hnuin SAI chu 2-1 in an hneh leh bawk a ni.

Grace-i hian Mizoram Football Asso­ciation buatsaih Great Sport Independence Day Cup 2017-ah khan Pachhunga University College chu a champion pui tawh bawk, final-a Hrangbana College an hneh ṭumin hat trick a siam.