BWF World Senior C'ship a zo ta

Nimin khan Badminton World Fe­deration (BWF) World Senior Cham­pionship chu Rajiv Gandhi Indoor Stadium, Cochin, Kerala-ah khelh zawh a ni.

He inelnaah hian Mizoram Badminton Association player mi panga Ralliantawna, F. Zokima, F. Lalthanzuala, Vanhmingthangi leh Zodinsangi te an tel a. 50+ men's singles category-ah Lalthanzuala-a'n quarterfinal thleng a, Thailand mi seeded no. 5-na Karoon Kasayapanan a hneh lo.

Veteran player Ralliantawna hian second round-ah Malaysia player Lai Loon Foo chu a hneh lo a, mixed doubles-ah Ralliantawna hi Olga Dcosta nen inkawpin England aiawh Jim Garrett leh Susan Awcock te an hneh lo.

65+ men's singles-ah F. Zokima'n seeded no. 5-na Hirohisa Toshijima chu a hneh lo nghal. 45+ women's doubles-ah Vanhmingthangi leh Zodinsangi te inkawp chu Germany leh France te nen group khatah awmin group stage an paltlang zo lo.