Joshua hian min hmachhawn duh lo - Fury

WBC heavyweight champion Tyson Fury chuan Anthony Joshua hmachhawn duh mah se, Joshua chuan contract a la ziak duh lo nia sawiin, British boxer hian hel reng mah se, khaw dang hawi an tan a ṭul thu a sawi.

Joshua team-te hian Fury leh a pawlten contract an pek chu an pawm vek thu an lo sawi tawh a, British boxer rothap pahnih inhmachhawn hun khawvelin a thlir ṭhup laiin Fury-a'n chanchin dang a rawn nei leh ta si a ni.

Kum 34 mi Fury cuan, "Joshua hian a contract a la ziak lo a nih chuan December 3-ah fight hmachhawn a ṭul dawn a, he contract hi a ziah pawh ka ring chiah lo.

"Joshua, ka hriat phak aia rei he contract hi in kawl tawh a, mahse, engmah sign a la awm lo a - min hmachhawn i châk lo a ni," tiin a sawi.

Fury hian Joshua-a'n WBA (Super), WBO leh IBF belt a hlohna Oleksandr Usyk pawh a bei tel a, Fury promoter Frank Warren pawhin fight chu awm ngei se a duh thu a sawi - Usyk pawhin a chawlh hma ngeia Fury hmachhawn a duh thu a sawi bawk.