Mizo shuttler-te hlawhtling

Yonex-Sunrise All India Masters Ranking Badminton Tournament-ah Mizo shuttler-ten medal pahnih an hlawh chhuak a, September 21-24 inkara neih inelnaah hian Zokhumi leh Lalthanzuala ten silver medal an rawn hawn ve ve a ni.

Chennai, Tamil Nadu-a neih inelnaah hian Zokhumi hian 65+ women's singles-ah silver medal a vaw chhuak a, Lalthanzuala pawhin 55+ men's singles category ah final thlengin, hnehna erawh a chang zo lo a, silver medal-ah lungawi a zir.

55+ men's singles-ah vek K. Ramzauva a inlan a, medal erawh a hlawh chhuak zo ve ta lo. Mizoram Badminton Association (MBA) chuan thuchhuah siamin, shuttler pathumin Chennai-ah inelna an hmachhawn thei chu lawmawm an tih thu an sawi a, medal late an lawmpui thu an tarlang bawk.

Inelnaa telte
Hming Category
Zokhumi 65+ Women's Singles
Lalthanzuala 55+ Men's Singles
K. Ramzauva 55+ Men's Singles