Japan-ah Miller a chak ber

Nimina tlan MotoGP Japanese Grand Prix-ah Jack Miller a chak ber. Ducati rider hian season kal laia hnehna a chan vawi khatna a ni a, rider championship hmahruaitu Fabio Quar-tararo chu pariatnaah thleng mah se a dinhmun a sawhnghet.

Hliam dam hlim Marc Marquez chuan a hmasa ber aṭangin bul a ṭan a, mahse lap hmasa berah a hnunga miten an tlan pelh nghal avangin a sang zual pathum zingah a tel phak lo - palinaah a lungawi a ṭul, season thar atan erawh beisei a neih phah ngei ang.

Hnehna changtu Miller hi amah hnaih bertu Brad Binder aiin 3.409 seconds in a thleng hmasa zawk a, pahnihna ni tur hian intlansiak tawp lamah a hma a tlan Jorge Martin a tlan pel a ni.

Tun season atan intlansiak hmabak pali chauh a awm tawh. Hmahruaitu Quartararo chuan point 10-a hma a hruaina chu 18-ah a ti zau leh ta hret a, a elpui ber Francesco Bagnaia a chet fuh reng theih bik loh avangin Yamaha rider Quartararo tan kawng a inhawng zel.