Argentina tan Messi goal hnih

Lionel Messi-a goal hnih khung hmangin Argentina chuan Honduras 3-0 in an hneh, world champion vawi hnih ni tawh tan hian Inter Milan striker Lautaro Martinez chuan goal khat a khung bawk.

Inrinni zing friendly match inkhelah Messi a hmuhnawm, a ball pek dawngtu Papu Gomez-a'n martinez tan a siamsak a, chawlhlawk hmain Barcelona forward hlui hian cool takin penalty a khung.

Second half-ah Messi bawk a inlar, box pawn hla deuh taka a ball hmuh chu keeper Luis Lopez a chip kum daih. Honduras keeper hi a lo kal chhuak hma hret a, a inrin hman hmain Messi hian goal lama a pet thut a vangin a awmna tur hmunah a kir hman lo.

Kum 35 mi Messi hian Argentina tan match 163 aṭangin goal 88 a khung tawh a, La Albiceleste tana goal khung hnem ber a ni. An match lehpek atan Nilaini zingah Jamaica nen an inkhel leh ang.

World champion vawi hnih ni tawh hi World Cup champion tura rinkai zinga mi an ni dawn, Qatar World Cup an match hmasa ber atan November 22 hian Saudi Arabia an hmachhawn dawn a ni.