India tan DK

Zirtawpni zan khan India-in an mikhual Australia chu wicket rukin an hneh a, Dinesh Kartick chuan ball hnih lekah 10 runs vaw chhuakin mualneitu a chakpui. Nizan khan T20 match thum khelh tura hnuhnung ber an khel leh a, result kan hre hman lo.

VCA Stadium, Nagpur-ah ruahsur vangin over riat chauh an khel. India-in vawm hmasak thlangin Australia tan Matthew Wade-a'n ball 20 lekah 43 runs a vaw chhuak a, 90/5 runs an siam tlin avangin Men in Blue dinhmun a ṭha lo.

India tan captain Rohit Sharma-a'n mawhphurhna a rawn hlen a, thi loin ball 20-ah 46 runs a siam. Virat Kohli (11), Suryakumar (0) leh Hardik Pandya (9) ten an thih avangin captain Rohit-a bul ṭan ṭhat tawh chu chhe leh thei dinhmunah a ding.

Mahse, finisher ṭha Dinesh Karthik a rawn chhuak a, ani hian a ball hmachhawn hmasak ber chu six runs vuak nan hmangin a vawi hnihnaah four runs a vaw leh a, India-in over 7.2-ah 92/4 runs siamin hnehna an chang.