Zaninah Hungary Vs Italy

Nations League-a league sang ber League A group 3-ah Italy, England, Germany leh Hungary te an awm a, Hungary chu relegate tura ngaih an ni. Mahse thilmak a thleng, Hungary hian England ṭum hnih an hneh bakah Germany chu an mualah an luhchhuah.

Zanin dar 12:15 hian Hungary-in European champion Italy an mikhual dawn a, point an hlawh chhuak a nih chuan playoff khel turin an tling dawn. Puskás Aréna Park-ah Hungary-in ṭantu an nei ṭha ṭhin a, Azzurri tan point thum hlawhchhuah a har dawn.

Mak ang reng tak erawh Italy hi World Cup khel turin an inpettling zo lo a, Hungary pawhin Qatar zin theihna ticket an nei bik lo. Kum 1986 hnuah Hungary hian World Cup an la khel leh lo a, chutirhualin Euro C'ship hnuhnung pahnih thlirin ram lian zawk harsatna thlen thei an ni tih erawh a chiang hle.