Norway tan Haaland-a goal a tawk lo

Norway-in Inrinni zan khan Stozice Sports Park-ah Slovenia an mikhual a, Erling Haaland hmangin goal khung hmasa mah se 2-1 in an chak lo.

Kum 22 mi Haaland hian 2022-23 Nations League-ah hian match nga khel tawhin goal ruk a khung tawh a, Norway goal sarih aṭangin goal ruk a khung tihna a ni.

Norwegian striker hian kumin nipui khan Manchester City a zawm a, Premeir League club tan hian match 10 khel tawhin goal 14 a khung der tawh - Premeir League-ah goal 11 khungin UCL-ah goal thum a khung tawh bawk.

Norway an chak zawh loh avangin Sweden 4-1 a hnehtu Serbia nen point 10 ve ve an hmu. Season thara League A inhlankai turin Norway tan Serbia laka point hlawh chhuah a ṭul ang.