West Ham an him

West Ham United chuan Premier League khel zel turin Old Trafford-ah point hlu tak an hlawh chhuak a, Nilaini zan khan Manchester United nen 1-1 in an inhnehtawk.

United-in inkhel bul ṭan ṭha mah se Paul Pogba handball vangin Hammers-in first half hun pek belhah Michail Antonio hmangin hma an hruai a, Hammers forward hian Covid-19 hnuah goal riat a khung tawh. Ole Gunnar Solskjaer-a hoten minute 51-naah Mason Greenwood goal tawih zet hmangin siphurh an sut a, goal dang hmuh tur a awm tawh lo.

Sir Alex Ferguson-a'n manager hna a chawlhsan khan a thlak turin Everton-a hming chher David Moyes an lalut a, 'The Chosen One' ti hialin hming lem pe mah se kum ruk daih contract a ziahah season khat pawh a daih lo.

Nilaini zan inkhelah erawh Moyes-a'n manager ṭha pangngai a ni tih a lantir a, team ṭha zawk Man United lakah a naute game nghet ṭha tak a khelhpui. January thlaa Hull City aṭanga an lakluh Jarrod Bowen-a'n United rawlthar

Brandon Williams a chaih phar a, Red Devils tlarhnung a nghin phah hle.

Old Trafford-ah Hammers-in point hmuh an phu a, David Moyes-a'n amah hnawltu United point hnih a hlohtir a, hahdam takin match tawp ber an khel thei tawh ang.