Davis Cup final-a France hmachhawn tur Belgium

Pathianni zan khan Davis Cup semifinal khelh zawh a ni a, Belgium chuan an hnufual zawk hnuah Australia 2-1 a hneh letin final an lut - November thlaah Belgium leh France ten final an khel ang.

Ram leh ram mipa tennis team hmanga inelnaah match hmasa berah Australia chak mah se Belgium tan world number 12 David Goffin chuan world number 20 Nick Kyrgios chu 6-7 (4-7), 6-4, 6-4, 6-4 a hnehin an nihrual a, Steve Darcis chuan Jordan Thompson lakah 6-4, 7-5, 6-2 a hnehna changin an ram chu final an hruai thleng.

Semifinal lehlamah Davis Cup vawi kua ngawt champion tawh France chuan harsatna nei loin Serbia 3-1 in an hneh. France tan hian player langsar Jo-Wil­fried Tsonga chuan Dusan Lajovic a hneh. Serbia hian tun ṭumah hian an thiampuipa Novak Djo­kovic chu hliam vangin an chhawr thei lo a ni.