Sindhu leh Okuhara intum leh dawn?

Daihatsu Yonex Japan Open chu nimin khan Tokyo Metropolitan Gymnasium, Tokyo-ah khelh ṭan a ni. Korea Open-a hmeichhe champion Pusarla Venkata Sindhu leh world champion Nozomi Okuhara te second round-ah an inhmachhawn nghal thei ang.

Seeded number 4 Sindhu hian match hmasa berah vawi­in tlai hian Minatsu Mita­ni a hmachhawn dawn a, Indian shuttler hian Korea Open-ah Japanese shuttler Mitani lakah hian set hnihna a hloh a, vanduai theihna a ni.

Seeded ni phak lo Okuhara hian Hong Kong shuttler Cheung Ngan Yi a hmachhawn dawn a, Sindhu-i'n a khingpui a hneh a bawk chuan second round-ah an inhmachhawn nghal dawn.

Japan Super Series-ah hian Indian shuttler zingah inlan tur an awm nual a, hmeichhe singles-ah Saina Nehwal a tel dawn bawk. Indian mipa zingah panga Srikanth Ki­dambi, Prannoy Kumar, B. Sai Praneeth, Sourabh Varma leh Sameer Verma te an tel bawk.