Mizoram an chak lo

Subroto Cup Boys U17 khelh mekah Mizoram team chu nimin tlai khan Indonesia lakah 2-1 in an chak lo. Subroto Park, Delhi-a inkhelhah Mizoram team captain C. Lalduhawma chuan penalty a hlah a ni.

Tun ṭum Suboto Cup-ah hian Mizoram aihawhin SYS Football Academy, Lunglei player 16 an feh chhuak a, coach R Lalmuankima'n a kaihruai. Mizoram team hi Group F-ah awmin Nepal (3-0), Assam (2-0), Gujarat (4-0) te an sawp thei.

Quarterfinal lut turin Mizoram hian draw bak an mamawh tawh lo a, mahse Indonesia an hneh zawh tak loh avang hian an dinhmun ti chiang turin vawiin tlaia Indonesia leh Gujarat te inkhel result an nghah a ngai ta a ni. Nikum khan Mizoram hian semifinal an thleng a, mahse Brazilian club Atletico Paranese hneh lovin an tla.

Lunglei rawlthar Joseph Lalvenhima'n kumin Subroto Cup U17-ah hian match 3 khelhah goal thum a khung tawh.

Mizoram team winger hian Nepal, Assam leh Gujarat lamah goal khat ṭheuh an khung. Mizoram captain C. Lalduhawma leh VL Remruata ten goal 2 ve ve an thun tawh bawk.