Record ropui siam duhtu Niekerk

Olympic champion Wayde van Niekerk chuan sulhnu ropui hnutchhiah zel a duh a, nakkuma 400m intlanisak an neih leh hunah chuan record a siam lai khumin midang elphak loha awm a tum. Athletics legend Michael Johnson-a'n kum 17 chhung zet chu 400m huangah world record a chelh a, record ropui hi Rio Olympic-ah khan Niekerk chuan a rawn thai chhia. South African tlangval hi season thum chhung hliam vanga a buai hnuah Rio-ah a hlawhtling a, chumi hnuah world championship-ah pakhatna a ni leh bawk - 400m hi second 43 chhungin a tlan thleng hman a ni.

Kum 28 mi Niekerk chuan, "Tu pawh mai hian hun harsa leh hrehawm lai kan nei vek, kei ngei pawhin engtik hunah nge inelna ka hmachhawn leh theih ang tia inngaihtuah lai ka nei. Tunah erawh ka tan hun ṭha a inher chhuak mek zel. "Tokyo Olympic hi kuminah nei ila ka duhdan a ni, chutih rualin nakkum atana an sawn pawh hi a pawi chuang lo. Inbuatsaihna hun ka ngah dawn tihna a nimai, midang tana khum leh mai theih tawh loh tur record siam ka tum ang," a ti.