Anderlecht-in an manager ban
Belgian champion Anderlecht chuan an coach Rene Weiler an ban a, kum 44 mi manager hmun ruak hi a assistant pathum Thomas Binggeli, Nicolas Frutos leh David Sesa che te chuan an thawk lailawk dawn a ni.
Anderlecht hian an rama club league inelna sang ber Belgian First Division A-ah Club Brugge chu point kuain an phak lo mek. Hetihlai hian German club Wolfsburg chuan an coach Andries Jonker an ban ve bawk a, Arsenal academy boss hlui hi Mainz manager hlui Martin Schmidt hmangin an thlak.
Dutch manager hi tun season Bundesliga-a coach ban hmasak ber a ni a, tun season league match li an khelh tawhah a team hi vawi khat chiah hnehna a chanpui a ni. Jonker hian February khan Wolfsburg hi a zawm a, relegation hlauhthawnawm aṭangin a chhanhim. Mahse, tun season-ah beisei anga result a neih theih loh avangin ban a ni ta a, a rual hian a assistant leh Arsenal midfielder hlui ni bawk Freddie Ljungberg chu ban a ni ve bawk.
La Liga lamah Alaves coach Luis Zubeldia chu ban hmasak ber a ni. Alaves hian an league match hmasa paliah chak hmel an hmu miah lo a, Zubeldia hmunruak hi assistant coach Javier Cabello chuan a luah lailawk ang.
Premier League lamah Crystal Palace manager Frank de Boer chu ban hmasak ber a ni a, kum 47 mi manager hmun ruak hi England coach hlui Roy Hodgson chuan a luah a ni.