Rossi-a'n bike khalh thei leh ta

Bike intlansiakna sang ber MotoGP vawi sarih champion tawh Valentino Rossi chu a ke ruh tliak vanga ni 18 chhung a chawlh hnuah Yamaha bike a khalh leh thei ta. Pathianni tlaiah Aragon Grand Prix tlan a ni dawn a, Italian rider hi inlan thei tura beisei a ni.

Tun season MotoGP rider championship-ah kum 38 mi Rossi hi palina a ni mek a, hmahruaitu Marc Marquez aiin point 42 in a hniam zawk - tun season-ah intlansiak hmabak panga bak a awm tawh lo.

MotoGP team Movis­tar Yamaha chuan thu­chhuah siamin, "Thawh­lehnia training chu khua­in min bumro avangin tihkhawtlai a ni a, a hrilselna dinhmun ngaihtuahin training neih rei loh kha a tan a ṭha zawk. Kartawpah a intlansiak theih dawn leh dawn loh chu aman a la puang chiang ang," an ti. Rossi hian vawiinah Aragon GP chungchanga a dinhmun tur a sawi chiang ang.