Intluktlan duh Murray

Andy Murray chuan tennis huangchhungah mipa leh hmeichhia te an intluktlan a duh thu a sawi chhuak. Grand Slam inlena huangah Mipa leh hmeichhe singles champion lawmman a inzat mek.

Major tournament bikah mipa hian set nga an khel a, hmeichhia hian set thum an khel thung. Mi tam takin hlawh inang sem hi an sawisel a, an ṭan chhan pawh inkhelh hunchhung a inan loh bakah mipuiin an ngaihven dan a in­thlauh em vang a ni.

World number 3 Murray chuan, "Hmei­chhia te hian hlawhtlinna chang turin mipa in tha kan thawh ang tho hian an thawh ve a, an theihna zawng zawng an hmang ve bawk a ni," a ti. Murray hian tun hma pawhin intluktlanna thu hi a lo sawi tawh bawk.

Grand Slam vawi thum champion tawh Mur­ray hi a naupan lai chuan mipa bakah hmeichhe player a inkhelh pui ṭhin a, mixed doubles inelna huangah pawh a inlan tawh. Murray hi hmeichhe coach Amelie Mauresmo kaihhruaina hnuaiah kum hnih chhung a khel tawh bawk a ni.