Angelique Kerber a chak

US Open match hma­­sa bera a chak loh hnuah Angelique Ker­ber chu hmeichhe ten­nis tournament Pan Pacific Open-ah a inlan a, German nula hian a match hmasa berah Japan nula Naomi Osaka chu 6-3, 6-4 in a hneh nghal.

World number 1 hlui Kerber hi US Open-ah khan champion lai ni chungin inlan mah se Osaka lakah hian 6-3, 6-1 in a chak lo nghal. Tun ṭum inelnaah erawh Ker­ber hi a chetsualna ngaiah a chelsual nawn duh lo, a tir aṭanga inkhel thunun nghalin set a hloh lo a ni.

Kum 29 mi Kerber hian season hmasa khan Australian leh US Open nomawi chawiin ranking-ah pawh a chung berah a awm a, tun season-ah erawh beisei angin result ṭha a nei thei lo - world number 14-ah a tla hniam tawh.

Inkhel dangah wildcard hmanga inlan Kurumi Nara chuan Kazakhstan nula Yulia Putintseva chu 2-6, 6-4, 6-2 in a hneh a, he hmuna vawi hnih champion tawh Agnieszka Radwanska eawh damlohna vangin hun tepter tawh takah a inhnukdawk thung.

Hmeichhe player langsar zingah Wimbledon champion Garbine Muguruza, Karolina Plis­kova, Caroline Wozniacki leh Johanna Konta te pawh Tokyo-ah hian a inlan dawn a ni.