Palestinian President-in emergency pawtsei

Palestinian president Mahmoud Abbas chuan coronavirus leng vanga West Bank-a emergency a puan chu June 5 thleng a pawtsei. 

West Bank-ah hian thla hnih liam ta khan state of emergency hi puan a lo ni tawh a, mipuite chu ṭul bik thilah lo chuan zinchhuah leh pawnchhuah khap an ni. Israel leh Jordan border crossing-te pawh khar vek an ni.

April thla khan  emer­gency hi thladul deuh niin, sumdawnna hmun ṭhenkhat chu hawn phal­sak an ni. Pathianni khan President Abbas chuan Israel rama hnathawka awmte chu an hna thawh zawm a phalsak tawh bawk. Mahse mosque leh zirna in hrang hrangte chu khar chhunzawm an la ni a, mipui punkhawmna siam pawh khap zui zel a la ni. 

West Bank-ah hian Covid-19 kai hi 345 an awm a, mi pahnihin an thihpui tawh a ni. 

Palestinian territory hnuaia Hamas ho thu­neihna, Gaza Strip-ah hri kai hi mi 17 an awm tawh bawk. Gaza-ah hian lockdown puan ni lo mah se, mosque leh school te khar a ni a, punkhawm khap a ni bawk.