India-in Australia an hneh

India tan Virat Kohli a hunah tak a rawn che ṭha a, Men in Blue-in mikhual Aussies lakah T20 series 2-1 in an la.

Pathianni zan khan T20 match thumna hi khelh a ni a, Australia-in 186/7 runs siam mah se India-in ball khat dah bangin 187/4 runs an siam a, wicket rukin an chak.

RG International Stadium, Hyderabad-ah Australia-in an bat hmasa a, opener Cameroon Green-a'n 52 runs a siam bakah over tawp lamah Tim David (54) leh Daniel Sams (28) te che ṭhat vangin India dinhmun a derthawng hman. Chutihrualin over tawp bera bawltu Harshal Patel vawm ṭhat zarah mikhual team-in 200 runs an siam tling loah a ngaih theih.

India bat hun a thleng a, captain Rohit Shamra (17) leh KL Rahul (1) te an thi hma. Men in Vlur in chhantu a mamawh a, mamawh chhanna chu Virat Kohli (63) leh Suryakumar Yadav (69) te an ni a. Hardik Pandya (25) leh Dinesh Karthik (1) ten a tawp kharin India-in hnehna an chang.