World record siamtu Kipchoge

Eliud Kipchoge chuan Berlin Marathom-ah amah record lo siam tawh sa chu a khum a, world record thar a siam leh ta. 42.2km a thui chu darkar hnih, minute khat leh second kua chhungin a thleng.

Kum 2018 khan world record a lo siam tawh, a record hmasa hi 2:01:39 a ni thung a, second tlemte in a rawn khum a ni. Kum 37 mi Kipchoge chuan, "A pawimawh ber chu la taksa leh ka ke an hrisel ṭha hi a ni.

"Inbuatsaihna ka nei ṭha a, hetiang thil hi mahni chauha tih theih a ni lo. Min thlawptu team ka nei ṭha, anni hian ka mamawh leh hriat tur hrang hrang min buaipuisak vek a, anni vanga tun hun thleng thei ka ni," tiin a sawi.

Kipchoge hnungaha hian mah ang bawka Kenyan mi Mark Korir a thleng, ani hian pakhatna hi minute li leh second 49 zetin a phak lo, pathumna chu Ethiopian tlangval Tadu Abate a ni thung.

Hmeichhe inlena lamah Ethiopian mi Tigist Assefa a chak ber thung, ani hian 2:15.37 chhungin a thleng, ani pawh hian tun hma lama a tlan ṭhat ber aiin minute 18 zetin a thleng hma zawk.