MPL inkhelh hun sawn

Zote Honda MPL9 round 5 chu Lammuala khelh tura ruahman ni mah se Lammual generator a ṭhat loh avangin inkhelhna hmun leh hun thlang danglam a ni. RG Stadium-ah round 5 hi khelh chhunzawm a ni ang a, zan inkhel awm loin chhun dar 12:00 leh tlai dar 3:00-ah khelh a ni ang.

MPL Board secretary Lalrawngbawla chuan, "Lammual generator starter hi a chhia a, siam ṭhat mai theih a nih loh avangin RG Stadium-ah round 5 hi kan sawn a ṭul dawn. Round 6 pawh hi Lammuala khelh tura ruahman kha a ni a, generator hi a la ṭhat loh chuan postpone hial a ṭul ang," tiin Vanglaini a hrilh.