Ferrari an intuai thar

Formula 1 team hlun leh changtlung Ferrari chuan season bul an ṭan fuh lohna thai bo nghal an tum a, intlansiak neih leh hua hman nghal turin khawl lam buaipuitu (technical department) an siksawi.

Intlansiak pathum an hmachhawnah Ferrari hian hnehna an la chang lo, team championship lamah pawh pangana an ni. An driver pahnih Sebastian Vettel leh Charles Leclerc ten ropui zawk nih an inchuh reng bawk. Head of aerodynamics Enrico Cardile chu Performance Development department lama hotupa a ni dawn a, tun hma lama technical lam hmingṭhat puitu Rory Byrne chu mawhphurhna leh thuneihna sang zawk 

an pe bawk a ni.

Team principal Mattia Binotto chuan, "Hmasawn kan duh a, chumi atana ṭha tura kan ngaih angin hma kan la. Hna kan siksawi hian rah ṭha a chhuah ngei kan beisei," a ti. Ferrari hian tun hnaiah Mercedes an el phak lo hle, season hmasa pawh khan team inelna lamah pahnihna ni chungin season an khar.