Rawlthar ṭha tlanchhuah zingah Mbappe, Dembele leh Rashford
Italian newspaper Tuttosport-in 2017 Golden Boy award dawng thei turin kum 21 hnuai lam player 25 hming a chhawp chhuak a, an zingah Kylian Mbappe, Ousmane Dembele leh Marcus Rashford te an tel.
Golden Boy award hi kum 2003 aṭanga semṭan niin season khat chhunga an chet dan ni loin kum khat chhung zawk en a ni ṭhin. Award dawng thei tura player an chhawp chhuah sa te hi journalist 30-in an thlang leh ṭhin.
Kum 18 mi Mbappe-a'n season hmasa khan AS Monaco chu kum 20 chhung a vawi khat nan French Ligue 1 nomawi a chawipui a, Champions League semifinal a hruai thleng bawk. France rawlthar hian loan hmangin Paris Saint-Germain zawm tawh mah se award dawng thei tura chhawp chhuah a nih chhan chu Monaco tana a chetṭhat vang a ni.
Bundesliga club Dortmund aṭanga pound maktaduai 97 zeta Barcelona zawmtu Ousmane Dembele bakah Manchester United tana Europa League leh League Cup nomawi chawitu Marcus Rashford te pawh award dawng thei tura hming langsar an ni.
Nikum khan European Championship-a Portugal an champion theih nana thawhhlawk tak Renato Sanches kutah he chawimawina hi hlan a ni a, pahnihna chu Manchester United forward Rashford a ni. Premier League player zingah Gabriel Jesus, Dominic Solanke, Joe Gomez, Dominic Calvin-Lewin leh Kyle Walker-Peters te hming a lang bawk - English club ten league dang zawng aiin player an thawh hnem.
Award dawng tura chhawpchhuah te :
Player Club
Kylian Mbappe Paris Saint-Germain
Ousmane Dembele Barcelona
Marcus Rashford Manchester United
Gabriel Jesus Manchester City
Joe Gomez Liverpool
Dominic Solanke Liverpool
Gianluigi Donnarumma AC Milan
Aaron Martin Espanyol
Jean-Kevin Augustin RB Leipzig
Rodrigo Bentacur Juventus
Steven Bergwijn PSV Eindhoven
Dominic Calvert-Lewin Everton
Federico Chiesa Fiorentina
Amadou Diawara Napoli
Kasper Dolberg Ajax
Benjamin Henrichs Bayer Leverkusen
Borja Mayoral Real Madrid
Emre Mor Celta Vigo
Reece Oxford Borussia Monchengladbach
Christian Pulisic Borussia Dortmund
Allan Saint-Maximim Nice
Theo Hernandez Real Madrid
Youri Tielemans Monaco
Enes Unal Villarreal
Kyle Walker-Peters Tottenham.