Kar thum chawl tur Welbeck

Arsenal striker Danny Welbeck chu a malpui na vangin chawlhkar thum chhung vel a inkhel thei dawn lo. England inter­national hi Chelsea nen Premier League-a an in­hneh­tawk ṭuma hliam a ni.

Kum 26 mi Welbeck hian nizan khan League Cup-ah Doncaster a hma­chhawn thei lo a, league match pahnih West Brom leh Brighton bakah Europa League lamah Bate Borisov a hma­chhawn thei lo bawk ang.

Arsenal manager Arsene Wenger chuan, "A chawlh chen tur chiah hi sawi theih a la ni lo. A hliam hi endik nawn leh a ni dawn a, international break zawhah a rawn kir theih kan beisei," tiin a sawi.

Tun season-a goal thum khung tawh Wel­beck hi a hliam vang hian England-in World Cup qualifier-a Slovenia leh Lithuania an hmachhawn hunah inlan lo tura ngaih a ni - October 14-a Ar­senal leh Watford inkhelh hunah rawn kir hman tura beisei a ni.