Mizoram Lockdown (inkharkhip) Ni 124

Fiorentina tana khel mek Franck Ribéry-a'n Bayern Munich tana a khelh chhung khan inelna hrang hrangah match 425-a inlansak a, goal 124 a khung. Bayern hi kum 2007 khan Marseille aṭangin a zawm a, season hmasa thleng khan a khel - Bayern tana a mimal season ṭha ber chu 2007-08 season-ah hian a hmang a, match 46 khelin goal 19 a khung a ni.

Ribery hian German club-ah nomawi chawi tur ang chu a chawi kim a, Bundesliga (9), DFB - Pokal (6), DFB - Ligapokal (1), DFL Supercup (4), Champions League (1), UEFA Super Cup (1) leh FIFA Club World Cup (1)-ah a champion bawk. France tana vawi 81 inlana goal 16 khungtu hian French club tenau Boulogne-ah a career ṭanin Ales leh Brest-ah te a khel leh a, kum 2004 khan top flight football khel ve chauhin Ligue 1 club Metz a zawm. Metz aṭang hian Galatasaray-a pan leh a, Turkish club-ah season khat hun a hman hnuin 2004 khan Marseille a zawm. French club-ah a hming chher zuiin Bayern a pan a, a chanchin sawi zui a ngai lo.