Srikanth-a'n second round a lut

Nimin khan India badminton star Kidambi Srikanth chuan Tian Houwei lakah 21-15, 12-21, 21-11 a hnehna changin Japan Open Superseries second round a inhlangkai.

Tokyo Metropolitan Gymnasium-a inkhelah seeded pariatna Srikanth hian world number 10 Houwei hi darkar khat leh minute li chhungin a hneh, Srikanth leh Houwei te hi vawi riat an inhmachhawnna niin tun ṭum hi straight game-a vawi hnih a chakna chiah a ni - a match leh­pekah chuan Hu Yun a hmachhawn leh ang.

Inkhel dangah HS Prannoy chuan second round lut turin Danish player Anders Antonsen chu minute 36 chhung lekin 21-12, 21-14 in a hneh ve bawk. Sameer Verma pawhin minute 40 chhungin Khosit Phetpradab 21-12, 21-19 in a hneh bawk. Player langsarin hnehna an chan lai hian B. Sai Praneeth erawh Lee Dong Keun lakah 23-21, 17-21, 14-21 in a chak lo thung.