Tlai ni nemah Bethlehem VT vs Ramhlun North

Vawiin tlai dar 3:00 hian Bethle­hem Vengthlang leh Ramhlun North te Lammualah an inkhel dawn. Mizoram Premier League Season 6-ah BVT leh Ramhlun North-in semifinal thlen ngei tumin player an lalut a, team intluk tawk pahnih inkhel result hian season tawpah nghawng lian tak a nei ang.

Ramhlun North hian match hnuhnung pahnihah Chanmari FC leh Chanmari West an hneh lo. BVT pawhin match hnuhnung berah Chhinga Veng 0-2 in an hneh lo a, coach Chawngthansanga'n hremna a la tawh avangin technical area-ah a ṭhu thei dawn lo.

BVT hian match li khelhah point nga hmu tawh mah se an goal nawr a nat loh avangin an phu tawk result an hlawh chhuak ṭhin lo a, Ramhlun North-in an midfield rem fuh loh avangin inkhel an thunun thei ṭhin lo.

Club pahnihin Ocotober thlaa transfer hawn hun an nghakhlel a, amaherawhchu hemi hmaa a tam thei ang ber point hmuh erawh a pawimawh. Vawiin tlaiah Ramhlun North coach Samson Ramengmawia nge BVT coach Chawnga game plan fuh a hriat ang.