India U16 inlan dawn

AFC U-16 Champion­ship 2018 Qualifier-a an match hmasa bera Palestine 3-0 a an sawp hnuah India chuan vawiin tlai dar 3:30 hian inelna thlengtu Nepal an hmachhawn leh dawn a, inkhel hi Indian Football Team facebook page lamah live streaming a awm tura beisei a ni.

Malaysia-a AFC U16 inelna hmachhawn tur zawnnaah hian ram 47 chu Group A - J ah ṭhen hran an ni a, team 16 an tling ang. Group pa­sarihah team panga awmin group pathumah team pali an awm thung. India hi Group D-ah Iraq, Ne­pal leh Palestine te nen an awmho. Group tina pakhatna ṭheuh leh pahnihna zinga ti ṭha zual panga chu AFC U16 inelnaah hian an tling dawn a, inelna thleng tur Malaysia chu tling chiang sa an ni.

India U16 squad-ah hian Mizo pali Lalrokima, Lalbiakhlua Jongte, Lal­chhanhima Sailo leh Eric Remruatpuia Chhangte te an awm.