Benzema man zat a tam

Real Madrid striker Karim Benzema chuan Santiago Bernabeu-ah kum 2021 thleng cham turin contract thar a ziak a, Real aṭanga Benzema la chhuak duh tan chuan pound maktaduai 880 sen a ṭul dawn! French striker hian Real-ah hian kum khatah pound maktaduai 6.62 vel a hlawh dawn niin khawthlang media te chuan an tarlang.

Kum 29 mi striker hian kum 2009 khan Lyon aṭangin Real hi a zawm a, match 371 a inlanah goal 181 khungsakin nomawi 14 a chawipui tawh - a nomawi chawi zingah hian Champions League (3) leh La Liga (2)-a a champion-te chu langsar zual an ni.

Benzema hian France tan match 81 khel tawh mah se kum 2015 khan ram tana a khelhpui Ma­thieu Valbuena chu pawisa hmuh nan dik lo takin a lo vau nia sawi a ni a, hemi hnu­ah hian ram tana khel turin koh a ni leh tawh ngai lo.

Real Madrid hian Benzema hma hian tun hnaiah right back Dani Carvajal, left back Mar­celo leh midfielder Isco te chu contract thar an lo ziahpui tawh bawk a ni.