Rossi-a'n intlansiak a tum

MotoGP star Valen­tino Rossi chuan Pathian­ni tlaia tlan tur Aragon Grand Prix-ah inlan theih a beisei, inelna neihna tur hmun Spain panin a zin chuak tawh.

Italian rider hi trai­ning-na lamah a ke ruh a hliam a, zai niin chawlh­kar thum chhung a chawl tawh. Ni 18 a chawlh hnuah training a nei leh thei tawh a, Movistar Yamaha lam chuan an rider hian intlansiak a hmachhawn dawn leh dawn loh chu ama thu a nih thu an sawi tawh.

Thuchhuah siamin Movistar Yamaha chuan, "Aragon chief medical officer-in an hriselna dinhmun a endik sak tawh a, intlansiak tura a fit tawk thu a sawi," an ti.

Kum 38 mi Rossi hi rider championship-ah palina niin hmahruaitu Marc Marquez aiin point 42 in a hniam zawk mek. Pathianni tlai an intlansiakna tur Aragon-ah hian kum 2015 leh 2016 khan pathumna dinhmun a luah tawh a ni.