Manchester khaw club inum
Premier League hmahruaitu chu Manchester khaw club pahnih an ni. Manchester City leh Manchester United hi match nga khelh zawhah an point hmuh zat, goal khung zat leh goal chhuah zat a inang vek.
City hian zanin dar 7:30 hian point la hmu lo awmchhun Crystal Palace an mikhual ang a, hemi rual vek hian United-in Southampton an tlawh thung ang.
Premier League danah chuan season tawpa club pahnih emaw a aia tam chu point, goal khung zat leh an goal khung zat aṭanga thliar hran theih an la nih loh chuan playoff hmangin neutral ground-ah champion zawnna neih tur a ni a, Board-in inkhelh hun leh hmun chu an la tichiang ang.
Amaherawhchu, league match 33 khelh tur a la awm avangin playoff an thlen erawh a rinawm loh. City hian Pep Guardiola hnuaiah game mawi an khel leh tawh. League Cup-a West Brom an hneh ṭumin Pep-a naute hian vawi 52 zet an in pass kual a, player 11-in ball an khawih kim vek a, Ilkay Gundogan ball pet keeper West Brom keeper Ben Foster-a'n a dan hnuah Leroy Sane-a'n a pet goal.
League Cup-ah City hian 2-1 in Premier League club West Brom an hneh a, league-a la point la hmu lo Crystal Palace hian League Cup-ah Huddersfield hneh ve bawk mah se Etihad Stadium-a point hmu tur em chuan Roy Hodgson-a hote hi an la ṭha tawk lo.
United-in club goal khung tam ber Romelu Lukaku awltir chungin League Cup-ah Championship club Burton chu 4-1 zetin an hneh a, league match ngaa goal nga khung thei Belgian striker hi St Mary's Stadium an tlawh hunah hmatawngah a awm leh tawh ang.