Foxes khelmualah Reds; Klopp a lungngai lo
Liverpool boss Jurgen Klopp chuan, "Kan chanchin an sawi dan aṭang chuan Premier League-a point la hmu miah lo ang mai kan ni a, he inelnaa team chhe ber ang mai kan ni," tiin a sawi a, tun hnaia an chet chhiatna avanga sawisel an tawhna chu uchuak hreta a hriat thu a sawi chhuak.
Merseyside club hian an match hnuhnung paliah chak hmel an hmu lo - vawi hnih tlawmin vawi hnih an khingpui an inhnehtawkpui, an hneh loh pakhat zawk chu zanin dar 10:00-a Premier League-a an hmachhawn tur Leicester City an ni - Foxes hian EFL Cup-ah Reds hi 2-0 in an hneh a, an hnawt chhuak. Liverpool tan zanin hi phuba lakna remchang a ni.
Reds an buai
Jurgen Klopp-a'n sawisel an nihna pha mah se an buai ngei thu erawh a pha lo. German coach chuan, "Buaina chu kan nei ngei alawm, chuvang tak chuan point 15 hmuh theihah point riat chiah kan la nei. Kan duh chuan hei aia nasa hian kan chi ai thei a, hahdam takin kan awm thei bawk. Kan buaina hi ka hria a, chumi chinfel dan tur chu ka ruahman sa vek tawh bawk. Mahse, chu zawng zawng sawichhuah erawh a ṭulna ka hre lo," a ti.
Klopp chuan sawi chhunzawmin, "Hnathawh tur kan nei ngei a, mah se 15 points nei tawh pawh ni ila hnathawh tur chu kan nei tho ang chu. Sevilla lakah goal kan chhuah hmasa a, mah se ṭha takin kan chhanglet. Burnley lakah chuti bawk a ni a, kan talbuai lo. Hun bichilh takah game hautak em em kan nei reng a, mah se kan hun tawn aṭangin kan inzir fing tih hi Leicester City lakah tarlan a ṭul ang," tiin a sawi.
The OX effect?
Liverpool-in transfer bazar tawp niah Arsenal leh Chelsea hnartu Alex Oxlade-Chamberlain an lalut a, danglamna thlen thei tura beisei player an neih hnuah Liverpool in chak hmel an hmu tawh lo - Manchester City chu 5-0 in an ngam lo phawt a, Sevilla (2-2) leh Burnley (1-1) inhnehtawkpuiin Foxes (2-0) an ngam lo. Chamberlain-a tan hun duhawm tia sawi tur a ni lo a, Liverpool vanduai inṭanna em ni? tih zawhna hial a piang ta.
Mahse, Klopp chuan a player hi chhan tlatin, "Ox hian a chawnah buaina tlem a nei a, hliam tia sawi hluai tur erawh a ni lo. Hei vang hian a ṭhat theih dan berin a la khel chhuak lo a, mah se amaha rinna ka neih hi a la nghing chhin ngai lo," tiin a player thar chu a ringtawk hle.
Tlarhnung buaina
Liverpool-in tlarhnung laia an player pahnih Dejan Lovren leh Joel Matip an nei chung pawha beisei an phak loh tawh tehlul nen an first choice pahnih hi an inhliam a, Foxes an hmachhawn thei dawn lo. Klopp chuan, "Lovren hliam hi na tak a ni hran lo a, mah se match hnih tal chu a khelh loh a ngai ang," tiin Croatian defender chungchang a sawi.
Tlarhnung bakah Emre Can dinhmun a chiang lo bawk a, Klopp chuan, "Joel Matip leh Emre Can an inhliam bawk a, anni hliam pawh hi na tak tia sawi tur a ni lo. An inlan theih dawn leh dawn loh a chiang thuai ang," a ti a, King Power Stadium-ah an kal a rinawm loh zawk.
Zanin Inkhel Tur
West Ham United 5:00 PM Tottenham Hotspur
Burnley 7:30 PM Huddersfield Town
Everton 7:30 PM AFC Bournemouth
Manchester City 7:30 PM Crystal Palace
Southampton 7:30 PM Manchester United
Stoke City 7:30 PM Chelsea
Swansea City 7:30 PM Watford
Leicester City 10:00 PM Liverpool
September 24, Pathianni
Brighton & Hove 8:30 PM Newcastle United
September 25, Thawhtan Zan
Arsenal 12:30 AM West Brom
# Team Pld W D L GF GA GD Pts
1 Manchester City 5 4 1 0 16 2 14 13
2 Manchester United 5 4 1 0 16 2 14 13
3 Chelsea 5 3 1 1 8 5 3 10
4 Newcastle United 5 3 0 2 6 4 2 9
5 Tottenham Hotspur 5 2 2 1 7 3 4 8
6 Huddersfield Town 5 2 2 1 5 3 2 8
7 Burnley 5 2 2 1 6 5 1 8
8 Liverpool 5 2 2 1 9 9 0 8
9 Southampton 5 2 2 1 4 4 0 8
10 West Brom 5 2 2 1 4 4 0 8
11 Watford 5 2 2 1 7 9 -2 8
12 Arsenal 5 2 1 2 7 8 -1 7
13 Stoke City 5 1 2 2 5 6 -1 5
14 Swansea City 5 1 2 2 2 5 -3 5
15 Leicester City 5 1 1 3 7 9 -2 4
16 Brighton & Hove 5 1 1 3 4 7 -3 4
17 West Ham United 5 1 1 3 4 10 -6 4
18 Everton 5 1 1 3 2 10 -8 4
19 AFC Bournemouth 5 1 0 4 3 9 -6 3
20 Crystal Palace 5 0 0 5 0 8 -8 0