Inter Village Volleyball Spike Off

Mizoram Volleyball Asso­ciation (MVA) buatsaih Mizo­ram Co-Operative Apex Bank Ltd. Inter Village Volleyball Tournament 2017 chu Ningani zan khan Central YMA Hall, Tuikhuahtlangah Spike Off a ni a, Apex Bank chairman Lalmuanpuii'n a beng hawng.

Veng leh veng volleyball hmanga inelna lian hi Sep­tember 25-30 chhungin R. Dengṭhuama Indoor Stadium, Mualpuiah khelh a ni dawn a, inelna hmachhawn tur hian mipa team 49 leh hmeichhia team 17 an inziak lut.

Mizoram volleyball-in hma a sawn theih nan MVA lamin tha an thawh chho mek zel a, president Dr. Lalmalsawma chuan, "Veng/Khua emawin coaching emaw referee clinic emaw nei duh kan awm chuan MVA hnenah hriattirin, MVA chuan hemi kawngah hian Mizo­ram tan chuan nasa takin a inhawng a, kan phak tawk leh kan theih ang tawkin coach leh referee ṭha tak takte kan rawn tir zel ang," tiin a sawi.