November 17-ah ISL
Indian Super League (ISL) season 4-na chu November 17 hian Salt Lake Stadium, Kolkata-ah khelh ṭan a ni dawn a, champion lai Atletico de Kolkata leh Kerala Blasters FC an inkhel ang.
ISL vawi hnih champion tawh ATK leh Kerala Blasters FC inkhel tur hian ngaihven a hlawh dawn, mipuiin an ngaihven chhan pakhat chu European football-a tawnhriat nei hnem tawh Robbie Keane leh Dimitar Berbatov ten India rama inelna an ṭanna tur a nih vang a ni.
Tun season ISL-ah hian team 10 an inlan dawn, Bengaluru FC leh Jamshedpur FC te chu team thar niin kumina league match khelh tur zawng zawng zat chu 95 a ni.