Kidambi Srikanth ngam loh Axelsen

Nimin khan Badminton Japan Open Seper Series mipa singles quarterfinal-ah Viktor Axelsen chuan India tlangval Kidambi Srikanth chu 21-17, 21-17 a hnehin semifinal a inhlangkai.

World number 2 Axelsen hian last 16-ah minute 44 chhung lekin Kenta Nishimoto chu 21-17, 21-18 in a hneh a, hetihlai hian Srikanth erawhin darkar khat leh minute li chhungin world number 10 Tian Houwei chu 21-15, 15-21, 21-11 in a hneh hram thung - nikhat hnuah quarterfinal an khelh zui nghal avangin Axelsen-a'n thahrui a la ngah zawk tih a hriat theih.

Nimin inkhel dangah Son Wan Ho chuan Olympic vawi hnih champion tawh Lin Dan chu 21-15, 21-15 in a hneh ve bawk. Korean shuttler hian Japan Open Superseries nomawi hi vawi thum a chawi tawh a, a champion leh a nih chuan a vawi lina tur a ni ang.