Mexican GP an tlan dawn

Thawhlehni khan Mexico khawpui Mexico City-ah lir a nghing a, mipui 270 vel an thi tawh. Buaina karah Formula 1 Mexican Grand Prix chu tlan a ni dawn tho tih an sawi chiang.

Mexican Grand Prix hi October 27-29 chhunga neih tur a ni a, tun season intlansiak hnuhnung pa­thumna tur a ni. Intlansiak buaipuitu Rodrigo Sanchez chua, "Vawi hnih kan endik tawh a, tlankawng leh building chhia a awm lo, harsatna nei loin intlansiak neih theih ngei beisei a ni," tiin a sawi.

Sanchez chuan, "Mexico-in buaina a tawk mek a, chanchinthar a rang thei ang bera in­hrilh zung zung a ngai. Har­satna leh buaina karah pawh kan thil ruahman sa a hlawhtlin ngei theih nan theihtawpin hma kan la tur a ni," tiin a sawi.