Iraq leh India inhnehtawk

AFC Under 16 Cham­pionship 2018 Qualifier-ah India U16 chuan champion lai Iraq chu nimin khan goal khung loin an match hnuhnung berah an inhnehtawkpui a, nakkuma Malaysia-a inelna neih turah an tlin dawn leh dawn loh chu midang kutah a innghat ta.

Mizo pali Lalrokima, Lalbiakhlua Jongte, Lal­chhanhima Sailo leh Eric Remruatpuia Chhangte te telna India U16-ah hian an match hmasa berah Palestine chu 3-0 in sawp mah se Zirtawpni khan a thlengtu Nepal chu 2-2 in an inhnehtawkpui a, Iraq an inhnehtawkpui leh tak bawk si avangin midang result-ah an innghah a ṭul phah.

AFC U16 qualifier-ah hian ram 47 chu Group A - J ah ṭhen hran an ni a, team 16 an tling dawn. Group pasarihah team panga awmin group pathumah team pali an awm thung. Group tina pakhatna ṭheuh leh pahnihna zinga tiṭha zual panga chu AFC U16 inelnaah hian an tling dawn a, India tan Malaysia pan tur chu pahnihna tiṭha zual panga zinga tel a ngai dawn tihna a ni.

INDIA U16: Lalbiak­hlua Jongte (GK), Harpreet Singh, Moirangthem Thoiba Singh, Gur­kirat Singh, Shabas Ahammed Moothedath (Samir Kerketta 69'), Lalchhanhima Sailo (Ridge Melvin 89'), Ricky John Shabong, Givson Singh Moirangthem, Bekey Oram, Ravi Bahadur Rana (Harpreet 76'), Vikram Pratap (C)