India tan Lalawmpuia

SAFF Under 18 Championship 2017 khelh mekah India U18 chuan Inrinni zan khan Bhutan chu 3-0 zetin an sawp a, he inkhela goal hnih khungtu chu Mizo rawlthar Lalawmpuia a ni.

Ramhlun South rawlthar hian minute 26-na lekah penalty hlah mah se minute 38-naah a tihsual thup nan goal hmahruai a khung a, minute 79-naah a mimal thawhrah sengin goal hnihna turin goal ropui a khung bawk - Opa hian MPL-ah Dinthar FC tan a lo khel tawh. India goal thumna hi Asish Rai khung a ni thung.

SAFF U18-ah hian Bangladesh, Bhutan, India, Maldives leh Nepal te chu inkhel kualin point hmu sang ber chu champion an ni dawn.

India hian an match hmasa berah Bangladesh chu an inlehthal tir a, September 25-ah an match thumna chu Maldives nen an khel ang.

INDIA U18: Aditya Patra (GK), Deepak Tangri, Sahil Panwar (C), Abhisek Halder, Namgyal Bhutia, Edmund Lalrindika (Ashish Rai 75’), Lalawmpuia, Zonunmawia, Roshan Singh, Pranjal Bhumij, Princeton Rebello (Bodo Baoringdao 87’)