Japan Open-ah Victor Axelsen

Japan Open Superseries Bad­minton Championships-ah Victor Axelsen chuan vawi ruk champion tawh Lee Chong Wei hnehin mipa singles-ah pakhatna a ni.

Nimina Tokyo, Japan-a final khelhah hian kum 23 mi Axelsen hian Lee Chong Wei chu 21-14, 19-21, 21-14 in a hneh. Danish badminton player Axelsen hian May 2016 khan champion lai Jan O. Jorgensen hnehin European champion a ni a, thla hmasa khan straight games-a Lin Dan hnehin world champion a ni leh bawk.

Hmeichhe inlenaah Ca­rolina Marin chu pakhatna a ni a, Spanish shuttler hian champion kalkawngah Saina Nehwal a hneh a, India chhuan­vawr pakhat zawk PV Sindhu hnehtu Nozomi Okuhara erawh inhliam vangin semi­final-ah a inlan thei lo.

Japan Open Final - Result Kimchang
Men's Singles Victor Axelsen bt Lee Chong Wei
21-14, 19-21, 21-14
Women's Singles Carolina Marin bt HE Bingjiao
23-21, 21-12
Men's Doubles Marcus Fernaldi & Kevin Sanjaya
bt Takuto Inoue & Yuki Kaneko
21-12, 21-15
Women's Doubles Misaki Masutomo & Ayaka Takahashi
bt Kim Ha Na & Hee Yong Kong
21-18, 21-16
Mixed Dobles Wang Yilyu & Huang Dongping
bt Takuro Hoki & Sayaka Hirota
21-13, 21-8