Parker hmaah Fury a tlawm

Joseph Parker chuan WBO heavyweight kawng­­hren a kawl lai mek humhim turin amah chotu Hughie Fury chu point sawisel hlawh tak hmangin a hneh - judge pakhatin inhnek hi 114-114 a inhnehtawka a ngaih laiin judge dang pahnihin Parker hi 118-110 a chakah an ngai thung.

Inhnek tawpa thu­tluknaah Fury team-te lungawi lo viau mah se judge pahnihin chak zawka an ngaih miau avangin New Zealander Parker a chak a, a cham­pion kawnghren vawi hnih a humhimna a ni - a hmuna he inhnek entu Tyson Fury-a cousin Hughie erawh title fight a neih hmasak berah a tlawm nghal a, a result a an lawm lo hi a awm lo hran lo - Fury promoter Mick Hennessey chuan, "Corruption a awm a ni," tiin a ṭawng na hle.

WBO heavyweight champion Parker hian WBC champion American boxer Deontay Wilder emaw IBF, WBA leh IBO kawnghren kawl mektu Anthony Joshua hma­chhawn leh a inbeisei ang.