Villarreal-in an coach an ban
Spanish club Villarreal chuan Pathianni zan khan 4-0 ngawtin Getafe an ngam lo a, an coach Fran Escriba an ban nghal. Yellow Submarine hian tun season-ah league match ruk khelin vawi hnih chiah an chak a, vawi thum tlawmin vawi khat an khingpui an inhnehtawkpui a, coach-in a tuar ta a ni.
Mak ve tak chu Fran Escriba hi Getafe coach hlui a ni a, 2015-16 La Liga-ah khan a kaihruai. Mahse, April 2016 khan Villarreal an ngam loh avangin ban a ni a, Villarreal coach a nih hnuah a club hlui Getafe a ngam loh avangin ban a ni leh ta! Spanish coach rual hian a thachhang dawltu Josep Alcacer leh Jose Mascaros te pawh an chhuak nghal.
Fran Escriba hian August 2016 khan Villarreal hi a zawm a, a season hmasa berah La Liga-ah pangana dinhmun luah mah se tun season-ah erawh beisei phak loin ban a tawk ta a ni.
La Liga table-a 14-na dinhmun luah mektu Villarreal hian nizan khan an coach thar an puan nghal beisei a ni a, he thuziah lai thleng hi chuan an coach thar kan hre hman lo.