Damchhung atan Alptekin an hrem

Olympic hmeichhe 1500m intlansiaka gold medal la tawh Asli Cakir Alptekin chu damdawi hman phal loh a hmang tih a vawi thum nan hmuh­chhuah a ni a, Turkish athletics federation chuan an infiammi hi dam chhunga athletic huanga intih­siak ve thei tawh lo turin an hrem.

Kum 32 mi Alptekin hian 2012 Olympic leh European title a la a, kum 2013 khan a thisen endik niin dan a bawhchhia tih hmuh a ni. A thiltih sual vang hian kum 8 chhung atan hrem a ni a, mahse dan leklawhtute nena thawh­hona a pawm avang­in hrem­na hi tih tawi sak a ni.

Kumin aṭangin athletic huangah a hmel a lam ve leh ṭan a, February thla khan Portugal-ah European Champion Clubs Cup Cross Country event-ah a inlan, hemi ṭum hian 11-na a ni.

Turkish Athletics Fe­­deration chief Fatih Cin­timar chuan, "Engti kawng mahin dan bawh­chhiatna hi kan ngaizam ngai lo ang. Hremna chu dik taka kaltlang pui tur a ni," a ti. Kum 2004 khan kahtih laia kum 19 mi chauh Alptekin hi IAAF World Junior Cham­pionship-a a inlan ṭumin dan a bawhchhia tih hmuhchhuah a lo ni tawh bawk.