Maldives U16 ngamtu India
SAFF Under 18 Championship khelh mekah nimin khan India chuan 2-1 in Maldives an hneh a, champion an tumna kawngah kawng dik an zawh zel. Changlimithang Stadium, Thimphu-a inkhelah Maldives-in minute 18-na lekah India goalkeeper chetsual zarzoin goal hmahruai khung mah se an si phurh sut turin India-in an nghak rei lo.
Minute 37-naah Rebello Princeton Arnald chuan India tan si phurh sutna goal a khung a, minute li a liam hman chauh tihin Abhishek Haldar chuan goal hnihna a khung chhunzawm ve bawk - Maldives-in a chhanletna an nei thei lo a, India an chak - Mizo rawlthar rual Lalliansanga Renthlei, Lalengzama Vangchhia, Lalnuntluanga Bawitlung, Zonunmawia, Edmund Lalrindika leh Lalawmpuia te awmna India hian naktukah Nepal nen an match hnuhnung ber an khel dawn a, nizana Nepal hmachhawntu Bangladesh result-ah an champion leh champion loh a innghat ang.